Ish ministri gjerman „gjen punë“ në Zvicër

Politikani i lartë gjerman, i lindur në Vietnam do të punojë në Forumin Ekonomik Botëror me seli në Gjenevë.

Duke filluar nga shkurti i vitit të ardhshëm, Philipp Rössler do të nisë punën në Gjenevë. Ai ka qenë ministër i shëndetësisë (2009-2011) pastaj i ekonomisë dhe teknologjisë (2011-2013) në Qeverinë e Gjermanisë si dhe zëvendëskryeministër (vicekancelar) njëherësh edhe ish kryetar i partisë FDP.

Politikani i lartë gjerman, i lindur në Vietnam do të punojë në Forumin Ekonomik Botëror me seli në Gjenevë.

Në mesin e kompetencave të tij në këtë funksion do të jenë kontaktet me qeveritë e vendeve të ndryshe të botës.

Themeluesi i “Forumit…”, Klaus Schwab është shprehur i kënaqur me kuadrin e ri. “Besoj se Rössler mund të kontribuojë në zhvillimin dhe sukseset e mëtejme të forumit tonë pikërisht në fazën ku ndodhemi sot”, ka thënë ai.

Për të nisur punën e re, Rössler do të shpërngulet në Zvicër me gjithë familjen e tij.

“Unë tashmë do të vendosem në Gjeneve me familjen dhe at do të jem i angazhuar për Forumin Ndërkombëtar Ekonomik”; ka thënë Rössler.

Partia e z. Rössler, FDP ka shënuar humbje të ndjeshme në zgjedhjet gjermane pak muaj më parë. Me këtë humbje, partia e përmendur që bën pjesë në spektrin e djathtë politik, nuk është më partnere e CDU- së në qeverinë qendrore të Gjermanisë.