Inspektorati Policor i Kosovës njofton se ka themeluar një ekip hetimi për veprimet e Policisë së Kosovës gjatë operacioneve të së premtes në Leposaviq, Zubin Potok e Zveçan.  “Ekipi synon të identifikojë nëse gjatë këtij operacioni ka pasur tejkalim të autorizimeve policore. IPK siguron se varësisht nga gjetjet e punës së këtij Ekipi, konform autorizimeve ligjore dhe në koordinim me Policinë e Kosovës dhe Prokurorin e Shtetit do të adresojë çështjet e ngritura. IPK do të mbajë të informuar opinionin publik me rezultatet e punës së këtij Ekipi”, thuhet nga IPK-ja, përcjellë albinfo.ch.