Opinione
Iniciativa No-Billag sulmon vlerat tona
Nëse komunitetit shqiptar voton me JO për iniciativën No-Billag më 4 mars, atëherë ne me votën tonë do të votojmë për diversitetin mediatik dhe formimin e informacionit neutral, por gjithashtu si komunitet do të kemi betonizuar përkushtimin tonë ndaj vlerave të neutralitetit, stabilitetit dhe mundësive të barabarta

Kur vendosa të shkruaj mbi iniciativën No-Billag për komunitetin tonë shqiptar, ishte e qartë se nuk desha të fryej në gjellën e njëjtë si kolegët e mi, të cilët tashmë kishin sjellë argumente solide për një JO më 4 mars. Përpos kësaj, kemi dëgjuar edhe argumente goxha të mira përse është absolutisht e domosdoshme për demokracinë e drejtëpërdrejtë që formimi dhe transferimi i informacionit neutral, siç kërkohet nga Kushtetuta Federale, të financohet nga taksat dhe jo nga reklamat komerciale. A hasin këto argumente logjike në veshë të hapur, sidomos kur është në pyetje kuleta e çdonjërit, është për mua fatkeqësisht ende e paqartë. Nga ky aspekt, mendoj se për iniciativën No-Billag duhet të diskutojmë në një nivel tjetër.
Iniciativa No-Billag jo vetëm që do të heqë taksat radiodifuzive për Radio dhe Televizionin Zviceran (SRG), por gjithashtu do t’ i ndalojë qeverisë federale çdo mbështetje financiare për stacionet e radios dhe televizionit. Në rast të pranimit të iniciativës, formimi dhe transferimi i informacionit neutral dhe boshllëku që do të linte televizioni shtetëror, do t’ju binte në duar njerëzve të orientuar nga profiti dhe Qeveria Federale s’do të kishte asnjë vegël për të qenë prezente në skenën politike-mediatike dhe për të informuar në mënyrë autentike.
Se çfarë ndodh me politikën, por dhe me shoqërinë në tërësi, madje dhe me ekonominë kur individët tentojnë ta zëvendësojnë shtetin dhe e konsiderojnë atë si një dyqan vetëshërbimi, mund të shohim në vendet tona të prejardhjes. Gërshetimi midis investitorëve privatë dhe politikanëve milionerë dhe detyrave të shumta shtetërore është aq i madh, sa që çlirimi nga këto konflikte të interesit duket pothuajse i pamundur. Thënë këtë, në raportimin dhe transmetimin e lajmit me pranimin e kësaj iniciative, interesave të investitorëve privatë do t’u jepet detyrimisht më shumë rëndësi sesa principit të informacionit neutral dhe informimit të ekuilibruar të qytetareve dhe qytetarëve.
I padiskutueshëm në diskursin për iniciativën No-Billag duket të jetë fakti, se mbuluesit privatë mediatikë nuk do të munden të sigurojnë mjetet financiare nga reklamat dhe abonementet dhe rrjedhimisht ta përmbushin kërkesën të Kushtetutës Federale të informojnë në katër gjuhë kombëtare, 26 kantone dhe 2’255 komuna sidhe 20% të popullsisë me aftësi të kufizuara.
Pra, nëse komunitetit shqiptar voton me JO për iniciativën No-Billag më 4 mars, atëherë ne me votën tonë do të votojmë për diversitetin mediatik dhe formimin e informacionit neutral, por gjithashtu si komunitet do të kemi betonizuar përkushtimin tonë ndaj vlerave të neutralitetit, stabilitetit dhe mundësive të barabarta. Për këto vlera gjyshërit dhe prindërit tanë, apo edhe ne vetë e kemi zgjedhur Zvicrën si shtëpinë tonë të re.
Ta mbrojmë Zvicrën me votën tonë!
(Autori është kandidat i partisë socialdemokrate“SP Zürich 9″ për Këshillin e qytetit (Asamblenë) të Cyrihut. Më shumë informacione rreth tij mund të gjeni në faqen e tij të internetit islamalijaj.ch.)
- Ky është një opinion i autorit dhe jo domosdoshmërisht pasqyron qëndrimin e redaksisë
E-Diaspora
-
Gazeta zvicerane: “Islami shqiptar po bëhet gjithnjë më konservator” "Islami shqiptar në Zvicër, i cili normalisht konsiderohet liberal, po bëhet gjithnjë e më konservator. Në...
-
Shqipe Sylejmani sjell romanin e tretë: “Stolz und Widerstand” – Krenari dhe Rezistencë
-
SHBA
Rron Zeka shpallet studenti më i mirë i shkëmbimit në Universitetin Augustana
-
Shqiptarja nga Kosova në mesin e 25 lidereve më me ndikim në SHBA
-
“Tri Net Film Fest” kthehet për herë të katërt në Freienstein
Jeta në Austri
-
Mashtrues në Vjenë: Paraqiten si punonjës uji për të vjedhur apartamente Policia e Vjenës paralajmëron për mashtrues që shënjestrojnë apartamentet...
-
Tronditëse: Foshnje e porsalindur gjendet e vdekur në çatinë e një garazhi në Graz
-
Rregulla të reja për punonjësit e pavarur në Austri nga viti 2026
-
Austri: Promovohet romanit autobiografik „KREUZTANNE“ nga Fate Velaj
-
Ambasadori Fate Velaj më 23 shtator përuron romanin „Kreuztane” në Traiskirchen të Austrisë