Industria e ndërtimit, shumë më pak kërkesa për punëtorë

Kërkesa për punëtorë ishte ulur me 9 për qind në krahasim me tremujorin e katërt të vitit të kaluar. Krahasuar me tremujorin e mëparshëm me problemet sezonale gjendja në tregun zviceran ka mbetur stabil.

Në pothuajse çdo sektor parashikimet në tregun e punës janë më pesimiste se vitin e kaluar. Më të prekur me një rënie prej 22 për qind të vendeve të lira të punës është industria e ndërtimit. Kjo rënie e mprehtë pjesërisht i atribuohet efekteve sezonale. Kështu thuhet në indeksin e Adecco Swiss Job Market (ASJMI) që ishte përgatitur së bashku me Institutin e Sociologjisë të Universitetit të Cyrihut.

Në mënyrë të ngjashme me 20 për qind rënie të kërkesës për punëtorë është raportuar industria e transportit. Më pak të prekur janë sektorët e arsimit, shërbimet publike, tregtia, shitjet dhe shkenca e teknologjia.

Gjeografikisht, Zvicra lindore është (për 19 për qind) më e prekur në vitin 2015, e ndjekur nga Gjeneva (11 për qind). Zurichu  ka regjistruar 5 për qind më pak, një rënie relativisht të moderuar, ndërsa në pjesën veri-perëndimore të Zvicrës vendet e lira të punës mbeten në nivel të qëndrueshëm dhe madje me një rritje të lehtë në Zvicrën qendrore, me 3 për qind.