I vidhet karroca deputetit invalid

Por, deputeti Christian Lohr nuk është ndarë nga puna e tij e përditshme. "Puna ime si deputet nuk mbetet pa u kryer", ka thënë ai për mediet zvicerane

Deputetit nacional nga CVP/PDC, Christian Lohr, i njohur për shkallën e rënë të invaliditetit të tij, i është vjedhur mjeti më i nevojshëm i tij për mbijetesë, karroca speciale elektrike e invalidit. Kjo ka ndodhur në Stacionin Hekurudhor në Frauenfeld.

Policia e Thurgaut deri më tash nuk ka ofruar të dhëna të tjera se në çfarë rrethanash ka ndodhur vjedhja e “makinës” së rëndë 180 kilogramë. Por përjashtohet mundësia që vjedhja të jetë bërë me dhunë.

Ai ndërkohë, deri sa të sigurojë sërish karrocën e humbur është i detyruar të gjallërojë me një karrocë dore, të cilës i mungojnë shumica e funksioneve të karrocës së vjedhur. Për këtë arsye ai ka nevojë për ndihmën e të tjerëve më shumë se zakonisht.

Por, Lohr nuk është ndarë nga puna e tij e përditshme. “Puna ime si deputet nuk mbetet pa u kryer”, ka thënë ai për tagblatt.ch.

Policia tashmë ka publikuar një fotografi të një karroce të ngjashme me atë që është vjedhur, duke kërkuar nga qytetarët ndihmë për kërkim.