“I ftohti siberian” në Zvicër

Por, temperaturat më të ulëta janë regjistruar në Glattalp, në kantonin qendror zviceran të Schwyz, ku temperatura ishte -36C

Zvicra ka përjetuar natën më të ftohtë që nga muaji shkurt. Në disa pjesë temperaturat ishin midis -2C dhe -6C, sipas MeteoNews.

Megjithatë, në shumë vende tjera, situata ishte më ndryshe. Në La Brévine, një qytet në kantonin e Neuchâtel e njohur si ‘Siberia e Zvicrës’, termometri tregonte në -20 ° C, shkruan “The Local”.

Ndërkohë, në Samedan, në kantonin e Graubünden, temperatura minimale ishte -24.8 C. Ofenpass, gjithashtu në Graubünden, ishte edhe më i ftohtë në -25. 4C, përcjell albinfo.ch.

Por, temperaturat më të ulëta janë regjistruar në Glattalp, në kantonin qendror zviceran të Schwyz, ku temperatura ishte -36C.

Temperaturat e ulëta pritet të vazhdojnë në Zvicër edhe në ditët në vijim me maksimumin prej 0-3C.

Ky i ftohtë vjen pas vjeshtës së tretë më të ngrohtë në Zvicër, që erdhi verës së tretë më të ngrohtë të regjistruar ndonjëherë.

 

---