Bota
Hyn në fuqi ligji i ri i azilit në Francë, mund të dëbohen azilkërkuesit nga Shqipëria dhe Maqedonia

Ministri i Brendshëm i Francës, Christoph Kastaner, kërkoi nga prefektët në Francë “vendosmëri” që të zbatojnë dispozitat e ligjit të ri për azilin, i cili ka hyrë në fuqi më 1 janar, në mënyrë që të përshpejtojnë procedurat për ekstradimin e personave, të cilët kanë qenë të refuzuar për azil, raportojnë mediat franceze, përcjell albinfo.ch.
Në një letër dërguar prefektëve, kryetarëve të policisë dhe xhandarmërisë nacionale, Kastaner kujton se ligji i ri ashpërson kriteret për të drejta që të mbeten në territorin e Francës për disa azilkërkues, sidomos ata që vijnë nga vendet e sigurta të origjinës.
«Për ata që janë hedhur poshtë, duhet të largohen nga Franca, në përputhje me vendimin e Zyrës Franceze për Mbrojtjen e Refugjatëve dhe personave pa shtetësi OFPRA, thuhet në letrën e Kastaner.
Ligji i ri lejon zgjatjen maksimale të ndalimit të azilkërkuesve të refuzuar në 90 ditë, në vend të 45, për të siguruar dokumentet e nevojshme për ekstradimin e këtyre personave në vendin e origjinës.
Deri më tani, në qoftë se azilkërkuesit e refuzuar janë ankuar në Gjykatë, procedura për dëbim është shtyrë deri në përfundimin e procesit. Por, sipas ligjit të ri për të ndaluar procesin e dëbimit, azilkërkuesi i refuzuar duhet të paraqesë ankesë para Gjykatës Administrative, e cila tani është përgjegjëse për vonesën e dëbimit. Ky ndryshim ka ardhur nën kritika të forta nga shoqatat e të huajve.
Masa e re legjislative vlen edhe për qytetarët e Maqedonisë që kërkojnë azil në Francë, ashtu si qytetarët e të gjitha vendeve të Ballkanit, sepse ato konsiderohen “vende të sigurta”.
Në vitin 2017 qytetarët shqiptarë, me gjithsej 7,633 kërkesa për azil, ishin evropianët më të shumtë që kërkonin azil në Francë.
Migrimi ilegal në Bashkimin Europian vitin e kaluar ra në rreth 150 mijë njerëz, niveli më i ulët në pesë vjetët e fundit, tha Agjencia e Kontrollit Kufitar të BE-së, Frontex, përcjell albinfo.ch.
Migrimi është një subjekt politikisht i ndjeshëm në gjithë BE-në, pas fluksit të madh të mbi një milion emigrantëve në vitet 2015 dhe 2016.
Zyrtarët e Brukselit frikësohen se kjo çështje mund të jetë në favor të euro-skeptikëve përpara zgjedhjeve të Parlamentit Evropian në muajin maj.
E-Diaspora
-
Vjedhje me thyerje në Rüti ZH: Arrestohet një kosovar I arrestuari, një 41-vjeçar kosovar, ngarkohet me dyshimin për vjedhje me thyerje. Kërkimi për të arratisurin...
-
Korriku, muaji më i suksesshëm ndonjëherë për Aeroportin Ndërkombëtar të Prishtinës
-
Këln: Endrit Smaili paraqet punim shkencor në Kongresin Ndërkombëtar të Papirologjisë
-
Kulturë dhe miqësi: Austriakët vizitojnë Kosovën
-
Një orë pritje në dalje të pikës Mërdarë
Jeta në Austri
-
Austria nga alarmin për rrezik nga zjarret në pyje në disa rajone Ministria e Bujqësisë në Austri ka paralajmëruar për rrezik të shtuar nga zjarret në pyje, pavarësisht...
-
Regjistrimet e makinave në Austri u rritën me 31.6% në muajin korrik
-
Austri: Nuk do të ketë kompensim për dëmet në tunelin Schmitten
-
Austri: Restorantet limitojnë kohën e qëndrimit të klientëve
-
Austri: Ministri Karner synon kufizim maksimal të ribashkimit familjar për azilkërkuesit