Hoteli prej akulli në Kanada

Hoteli i ftohtë i hapi dyert muajin e kaluar, duke nisur sezonin e 13-të

Mysafirët në “Hotel de Glace” në Quebec të Kanadasë janë të sigurt se nuk do t’i presin ngrohtë, por kjo nuk do të jetë befasi në një ndërtesë luksoze të ndërtuar krejtësisht nga akulli.

Kalaja magjike ndërtohet për çdo vit me një dizajn të ri nga qindra e mijëra tonë bore dhe akulli. Hoteli i ftohtë i hapi dyert muajin e kaluar, duke nisur sezonin e 13-të. Mysafirët ishin të habitur nga arkitektura mrekullueshme nga akulli.

Për shkak të popullaritetit në rritje në mesin e turistëve kureshtarë të etur për të vizituar pallatin e akullt, hoteli ka zgjeruar numrin e dhomave dhe suitave.

“Hotel de Glace” do të mbetet i hapur deri më 24 mars, duke ofruar paketa duke filluar nga 399.50 dollarë deri në 549.50 dollarë për person.

Vitin e kaluar kreatorët e hotelit ishin frymëzuar nga natyra, ndërsa tema për këtë vit është “udhëtimi në qendër të tokës”, frymëzuar nga romani i Jules Vern-it.