Hinduistët fitojnë “varrezën” e tyre në lumin Reuss

Ata do të munden që hirin e të vdekurve të tyre sipas ritualeve tradicionale ta shpërndajnë në lumin Reuss

Në Lucern tash e tutje besimtarët e hinduizmit dk të kenë mundësi që hirin e të vdekurve të tyre sipas ritualeve tradicionale hinduiste ta shpërndajnë në lumin Reuss. Këtë atyre ua kanë mundësuar kisha katolike dhe ajo e reformuar.

Po ashtu edhe qyteti ka dhënë lejen për një gjë të tillë.

Brenda vitit llogaritet se mund të ketë 5 deri në 10 “varrime” të tilla, ka thënë prifti reformist Beat Hänni për gazetën “Neue Luzerner Zeitung”. Ai është përgjegjës për shtëpinë Myconius që gjendet drejtpërdrejtë në breg të lumit Reuss.

Kështu, hinduistët e regjionit të gjerë të Lucernit në të ardhmen do të kenë mundësi që të mbajnë ritualet e tyre fetare të vdekjes në njërën nga sallat e Myconius. Hiri pastaj do të shpërndahet në Reuss.