Haradinaj: Qeveria Hoti ka mundësi të shkojë në mandat të plotë qeverisës

Haradinaj flet edhe për vizitën e tij te deputeti Haxhi Shala.

Kryetari i Aleancës për Ardhmërinë e Kosovës, Ramush Haradinaj, me të dalë nga Kuvendi ka shprehur mendimin e tij në lidhje me formimin e qeverisë së re, ku tha se ka mundësi që të shkojë në mandat të plotë qeverisës, përcjell albinfo.ch.

Ai u pyet edhe për vizitën e bërë nga ai dhe presidenti i Kosovës, Hashim Thaçi, te deputeti Haxhi Shala, i cili u deklarua në Kuvend se vendimi i tij rreth votës ndryshoi pas vizitës së tyre.

Por, Haradinaj tha se vizita e tij me të presidentit ka qenë vetëm një koincidencë.

“Presidenti ka raporte të kahershme miqësore me Haxhi Shalën, edhe unë i kam nga ana ime. Koincidenca janë këto. Shala ka qenë zëvendëskomandant në rajonin e Prizrenit, kur unë kam qenë komandant i TMK-së. Unë i thashë që e votoj këtë qeveri, a e voton edhe ti, ai tha që po”, tha ai./albinfo.ch

---