Haradinaj për mocionin e opozitës: Le të më rrëzojnë

Haradinaj ka folur edhe për mocionin mosbesimit të opozitës për rrëzimin e Qeverisë, derisa ka thënë se nëse ia arrijnë ta rrëzojnë, do ta kishin ‘çliruar’ pasi që sipas tij, ka shumë punë.

“Qeveria mund ta rrëzojë veten dhe nuk mund ta rrëzojë opozita. Opozita tani i ka 57 vota dhe i duhen edhe 4 të tjera. Kam dëgjuar deklarime që nuk do të marrin vota nga Lista Serbe. Isha një ditë në vrapim në Obiliq, kur ke gjysmë maratona, dhe disa fëmijë ja nisën këngës ‘xhamadani vija-vija, kërrk taksa, kërrk ushtria’. Dhe unë mendoj që ka ndryshuar diçka në Kosovë. LDK e Vetëvendosje i kanë vlerësuar këto veprime. Nëse munden të më rrëzojnë dhe i bëjnë votat, veç çka më çlirojnë. Ju e shihni çfarë ngarkesa ka, duhet me punu shumë”, u shpreh Haradinaj në Interaktiv të KTV-së, përcjell Albinfo.ch.

Ai foli edhe për pagën minimale, duke thënë se ajo duhet të rritet, ndërsa e ka quajtur të vështirë zbatimin e Ligjit të pagave.

Ndërkaq, për Ligjin për Qeverinë, ai ka thënë se së shpejti do të bëhet derisa e ka quajtur ligj i cili do ta bëjë historinë.

Ai thotë se ky ligji është planifikuar të jetë për Qeverinë e ardhshme.

“Vendimin e merr Parlamenti, por ideja ime është për Qeverinë e ardhshme sepse është edhe për partinë tjetër në pushtet”, u shpreh ai.