Haradinaj: Arbëreshët e Italisë ruajtën vlerat kombëtare

“Arbëreshet e Italisë përgjatë shekujve kanë treguar vetëdije të lartë në ruajtjen e vlerave kombëtare dhe historike të shqiptarëve. Kjo është një vlerë e madhe e jona të cilën duhet ta ruajmë dhe ta avancojmë”, kështu tha kryeministri Haradinaj, pasi priti në takim Rosario Petta, Kryetarin e Komunës Arbëreshe Piana degli Albanesi në Sicili.

Në njoftimin për media thuhet se Haradinaj e njoftoi Petta-n për të arriturat e Kosovës në shumë fusha, përcjell albinfo.ch.

“Në të kaluarën ka qenë i vështirë komunikimi. Tani kjo situatë ka ndryshuar për të mirë dhe kjo na ofron më shumë zemrat, njohjet dhe dijet tona”, tha  Haradinaj, duke shtuar se Qeveria e vendit do të angazhohet në ruajtjen e këtij komunikimi, përmes takimeve dhe vizitave të dy anshme dhe adresimit të çështjeve me interes për të dyja palët. Pjesë e takimit ishte edhe Zëvendëskryeministri dhe Ministri për Diasporë, Dardan Gashi.