Hapet Salloni i 87-të i veturave në Gjenevë

Salloni i Gjenevës është ekspozita më e madhe në Zvicër në përgjithësi. Ndërsa në gjithë botën ai bën pjesë në mesin e pesë panaireve më tëmëdhenj të automobilave.

Keystone

Sot në Gjenevë është bërë hapja solemne e Sallonit të Automobilave. Aktivitetin më të madh në Zvicër dhe ndër më të mëdhenjtë në botë të kësaj natyre e ka shpallur të hapur ministri i financave, Johann Schneider-Ammann, shkruan srf.ch. Ai e ka mbajtur një fjalë rasti në sallat e mëdha të panairit në Gjenevë dhe ka bërë pastaj xhiron tradicionale nëpër sallon për të parë risitë që ka sjellë ai

Është ky salloni i 87 me radhë, ku prezantohen modelet më të reja të veturave nga e gjithë bota.

180 prodhues automjetesh nga e gjithë bota këtë vit prezantojnë 126 premierat botërore dhe evropiane të automobilizmit pikërisht në Gjenevë.

Deri në mbyllje të sallonit, më 19 mars pritet që atë ta vizitojnë rreth 700 mijë veta. Me shifra të këtij niveli, Salloni i Gjenevës është ekspozita më e madhe në Zvicër në përgjithësi. Ndërsa në gjithë botën ai bën pjesë në mesin e pesë panaireve më të mëdhenj të automobilave.