Hadërgjonaj në mesin e futbollistëve të rebeluar

Ousmane Dembele i Borussia Dortmundit, Florent Hadërgjonaj i Ingolstadtit, Marcel Tisserand i Ingolstadtit, Diego Costa i Chelseat, Leonardo Spinazzola me Atalantën dhe Geoffrey Kondogbia i Interit janë futbollistët që po refuzojnë të stërvitin me ekipet e tyre

Afati kalimtar në Evropë ka filluar të ‘nxehet’ dhe po shkon drejt fundit. Shumë futbollistë janë të pakënaqur dhe dëshirojnë të largohen.

Për këtë arsye disa prej tyre janë rebeluar dhe nuk po stërvitin me skuadrat e tyre, duke dashur të largohen. Në mesin e tyre është edhe futbollisti shqiptar, Florent Hadërgjonaj, shkruan e përditshmja gjermane ‘Kicker.de’.

Ousmane Dembele i Borussia Dortmundit, Florent Hadërgjonaj i Ingolstadtit, Marcel Tisserand i Ingolstadtit, Diego Costa i Chelseat, Leonardo Spinazzola me Atalantën dhe Geoffrey Kondogbia i Interit janë futbollistët që po refuzojnë të stërvitin me ekipet e tyre, përcjell albinfo.ch.

Mbrojtësi i djathtë shqiptar gjithashtu nuk ka bërë ende zyrtare vendimin e tij se për cilën Përfaqësuese do të luajë në të ardhmen, Zvicrën apo Kosovën. Ai ishte aktivizuar në një miqësore me helvetikët.