Gratë zvicerane në shkencë, nën mesataren evropiane

Foto ilustrim

Gjinia femërore në Zvicër është e përfaqësuar në mënyrë të mangët në lëmin e shkencës dhe teknologjisë. Gratë janë një pakicë e vogël sa i përket karrierës akademike. Kështu, vetëm 18 për qind të shkollave të larta dhe universiteteve zvicerane janë të drejtuara nga gratë.

Në përgjithësi, përqindja e grave në lëmin e hulumtimeve si në sektorin privat ashtu dhe atë publik, është nën mesataren evropiane.

Bazuar në të dhënat e Zyrës Federale për Statistikë (BFS) të publikuara në raportin e Komisionit Evropian «She Figures 2015» e që ka në fokus gratë në shkencë , kjo gjendje po përmirësohet por me ritëm të ngadalshëm.