Grand Slam Paris: Kosova paraqitet me 8 xhudistë

Foto FB: Kosova Judo Federation

Në Grand Slam në Paris, një prej garave më prestigjioze të vitit, ekipi kosovar i xhudos do të paraqitet me 8 xhudistë, transmeton albinfo.ch.

Sipas njoftimit, ky Grand Slam do të ketë pjesëmarrës nga 5 kontinente, 110 shtete, 661 garues, prej të cilëve 384 meshkuj dhe 277 femra.

Nga Kosova do të ndeshen xhudistët:

1. Distria Krasniqi (-52 kg);
2. Nora Gjakova (-57 kg);
3. Flaka Loxha (-57 kg);
4. Laura Fazliu (-63 kg);
5. Loriana Kuka (-78 kg);
6. Akil Gjakova (-73 kg);
7. Dardan Cena (-73 kg);
8. Shpat Zekaj (-100 kg).

Distria Krasniqi, Nora Gjakova dhe Flaka Loxha do të ndeshen të premten, Laura Fazliu, Akil Gjakova dhe Dardan Cena ndeshen të shtunën, kurse Loriana Kuka dhe Shpat Zekaj do të ndeshen të dielën.

Garuesit do të jenë nën udhëheqjen e trajnerit e selektorit të ekipit të Kosovës, Driton Kuka dhe trajneres Majlinda Kelmendi.