Sporte Luftarake

Grand Slam Paris: Distria Krasniqi, për të tretin vit radhazi, fiton medalje të artë

E premte, 2 Shkurt 2024 - 19:08 albinfo.ch

Kosova Judo Federation

Kampionia olimpike, Distrika Krasniqi, për herë të tretë ka fituar garën më prestigjioze të xhudos, Grand Slam Paris, transmeton albinfo.ch.

Ajo e ka mbrojtur titullin e kampiones në kategorinë deri 52 kg, pasi në vitet 2023 dhe 2020 kishte fituar medalje të artë.

Në finale, xhudistja Distria Krasniqi e ka mposhtur britaniken Chelsie Giles.

Distria Krasniqi nisi ditën me fitore për nëntë sekonda ndaj francezes Leonie Gonzalez. Më pas e mposhti për 37 sekonda jugkoreanen Seyun Jang, teksa me fitore me Ippon vazhdoi në çerekfinale. Për 2 minuta e 12 sekonda e kaloi përfaqësuesen e Emirateve të Bashkuara Arabe, Khorloodoi Bishreltin. Në gjysmëfinale Krasniqi mundi japonezen Kisomi Omori.

Me këtë medalje të artë, Distria fiton 1000 pikë në ranglistën botërore.