Grabitja si në filma në Aeroportin e Tiranës

Një grabitje e paprecedentë ka ndodhur sot pasdite në Aeroportin e Tiranës, ku tre persona të armatosur kanë arritur të futem në terminal dhe të grabisin shuma të mëdha parash

Një grabitje spektakolare, sikur në filmin “heat”, ka ndodhur sot pasdite në Aeroportin e Tiranës, ku tre grabitës të armatosur kanë hyrë dhunshëm në terminal dhe besohet se kanë vjedhur një sasi të madhe parash. Grabitja ka ndodhur rreth orës 15, ndërsa hajdutët, përkundër ndjekjes së policisë edhe nga ajri, kanë qarë rrethimin.

Mësohet se grabitja ka ndodhur në hyrje të terminalit të kargos, kur një makinë e kompanisë së sigurisë private “Nazeri”, po futej brenda për të dërguar drejt avionit një sasi parash të një banke, të cilët do të transferoheshin me aeroplan jashtë vendit. Sipas njoftimeve nga mediat lokale në Tiranë, tre persona të armatosur kanë kryer vjedhjen.

Pas grabitjes, autoret kane ikur në drejtim të urës së “Gjolës” dhe në ndihmë të policisë në tokë për ndjekjen e tyre është vënë edhe një helikopter policor për të kontrolluar zonën nga ajri. Gjatë ndjekjes, policia ka gjetur të djegur mjetin tip “Benz”, që dyshohet se u përdor nga autorët, transmeton Albinfo.Ch

Megjithatë nuk ka detaje të tjera për këtë grabitje të paprecedentë, pasi policia është tërësisht tashmë e angazhuar në kapjen e grabitësve. Menjëherë thuhet se janë angazhuar shërbimet policore në aeroport dhe forca shtesë nga Drejtoria Vendore e Kufirit. Forcat RENEA po ushtrojnë kontrolle në akset rrugore dhe zonat ku dyshohet se strehohen autorët.