Grabitet banesa e nënës së ministrit shqiptar

Një grabitje ka ndodhur në banesën e nënës së ministrit të Energjisë dhe Industrisë, Damian Gjiknuri. Në lidhje me këtë rast ka reaguar nëna e tij, Lirie Gjiknuri, shkruajnë mediat shqiptare.

“Paratë i kisha kursyer nga pensioni i katër muajve. Më kanë vjedhur 1.6 milion lekë. Hera e dytë që më kanë grabitur policia nuk veproi”, ka thënë Lirie Gjiknuri.

Grabitja ka ndodhur gjatë natës në rrugën “Maliq Muça” dhe grabitësit kanë marrë një shumë parash. Denoncimin në polici e ka bëra nëna e ministrit, L. Gjiknuri, 67 vjeç, përcjell albinfo.ch.

Hajdutët kanë hyrë në banesë nga dritarja e banjos të banesës. Mësohet se banesa e tyre është vjedhur në orët e para të mëngjesit.