Google vë ikona në imazhe, për të treguar prej nga vijnë

Foto ilustrim: Paweł Czerwiński

Shumë më i lehtë dhe konkret pritet të bëhet kërkimi në Google në të ardhmen e afërt.

Ky gjigant i kërkimit njoftoi se tipari i tij ikonik i kërkimit të imazheve do të shtohet edhe me disa ikona të reja, për të sqaruar gjërat më mirë para se të klikohet një imazh.

Në vetë faqen e kërkimit do të shihni shenja të vogla në këndin e poshtëm të majtë të secilit rezultat, duke ju bërë të ditur nëse ato erdhën, për shembull, nga faqet e blerjeve, recetat e internetit ose videot në YouTube. Vetëm kaloni kursorin mbi to dhe do të keni informata shtesë, pa pasur nevojë t’i hapni.

Për të gjithë ata që kërkojnë fotografi në Google, është shumë e bezdisshme, kur provojnë ta ruajnë dhe iu del se është video apo thumbnail, gjë që e pamundëson të ruhet si imazh.

Mirëpo, ana e keqe e kësaj është se këto ikona do të zënë hapësirën, ku më herët ishin të vendosura dimensionet e imazhit, që janë shumë të rëndësishme për përdorimin e saj.

Deri në fund të javës, Google pritet ta vërë në funksion këtë sistem, që është në dispozicion vetëm për desktop.

Later this week, Google Images will show new icons on desktop that provide useful information to indicate if images lead to pages with products for sale, recipes or video content. Mousing-over icons expands them to show the icons with text or length of video…. pic.twitter.com/RrbGnk27iq

— Google SearchLiaison (@searchliaison) February 25, 2020