Goli i Shkëlzen Gashit, Bazeli sërish në krye të tabelës

Ky është goli i pestë në këtë sezon i sulmuesit të FCB, Shkelzen Gashi

Shkelzen Gashi, golgeteri numër një i sezonit të kaluar në superligën zvicerane, i ka siguruar fitoren ekipit të tij Bazelit në përballje me Young Boys.
FC Bazel sërish është rikthyer në krye të tabelës, në superligën zvicerane, pas fitores minimale ndaj Young Boys (0:1).

Golin e vetëm në minutën e 33-të e ka shënuar futbollisti shqiptar, Shkëlzen Gashi.

Ky është goli i pestë në këtë sezon i sulmuesit të FCB, Shkelzen Gashi.

Në këtë ndeshje 90 minuta për Bazelin ka luajtur edhe Taulant Xhaka, i cili ishte heroi në ndeshjen mes Serbisë dhe Shqipërisë.

Shkelzen Gashi, golgeteri i superligës së Zvicrës, në fund të sezonit pati kaluar nga Grasshoppers (GC) i Cyrihut në FC Basel.

Ndeshjet këtë fundjavë të superligës, si edhe të challenge ligës zhvillohen nën moton “Kundër dhunës dhe diskriminimit”.
Për të tretin vit me radhë, të gjitha 20 klubet i janë bashkuar këtij aksioni.