Goditje kundër pornografisë së fëmijëve, arrestohen 20 persona

Përveç kësaj, janë identifikuar 68 të dyshuar të tjerë dhe informacioni u është kaluar autoriteteve në 28 vende

Organizata ndërkombëtare e policisë Interpol ka arrestuar 20 persona në 12 vende, të akuzuar për prodhimin dhe shpërndarjen e pornografisë së fëmijëve.

Arrestimet u kryen në Evropë, Amerikën Latine dhe SHBA. Policia gjithashtu ka sekuestruar kompjuterë, laptopë, telefona celularë, tableta dhe pajisje për ruajtjen e materialeve digjitale, transmeton albinfo.ch. Përveç kësaj, janë identifikuar 68 të dyshuar të tjerë dhe informacioni u është kaluar autoriteteve në 28 vende, shkruan srf.ch.

Këtë operacion ndërkombëtar e kishin nisur fillimisht autoritetet spanjolle. Policia atje kishte identifikuar grupe online ku shpërndahej pornografia e fëmijëve.

---