Gjykata Federale vërteton dënimin e trajnerit nga Maqedonia për veprime seksuale me 12 vjeçaren

Vendimi mbetet: burgim me kusht prej dhjetë muajsh, ndalim të përjetshëm të punës me të mitur dhe gjashtë vjet dëbim nga vendi

Gjykata më e lartë e vendit, ajo Federale me seli në Lozanë ka rrëzuar denoncimin e një 30-vjeçari. Ai dëbohet nga vendi për veprime seksuale me një vajzë 12-vjeçare.

Një 30-vjeçar nga Maqedonia e Veriut akuzohej se si ndihmës trajner në një kurs sportiv shkollor në Winterthur ka bërë veprime të ulëta seksuale ndaj një nxënëseje, transmeton albinfo.ch. Gjatë një ushtrimi të shtendosjes, ai kishte qëndruar prapa 12-vjeçares dhe kishte fërkuar organin e tij seksual në të pasmet e saj, sipas aktakuzës. Ngjarja ka ndodhur në verën e vitit 2020.

Pas Gjykatës së Qarkut të Winterthurit, edhe Gjykata e Lartë (Kantonale) e Cyrihut e kishte shpallur fajtor 30 vjeçarin për akte seksuale me një fëmijë, shkruan gazeta Der Landbote.

I akuzuari ka humbur në të gjitha pikat e ankesës

Gjykata Supreme Federale tani ka konfirmuar vendimin e gjykatës më të ulët dhe ka hedhur poshtë ankesën e shtetasit të Maqedonisë së Veriut. Pra, vendimi mbetet: burgim me kusht prej dhjetë muajsh, ndalim të përjetshëm të punës me të mitur dhe gjashtë vjet dëbim nga vendi.

I akuzuari ka humbur me këtë rast në të gjitha pikat e ankesës. Ai ka kërkuar më kot që të mos përdoren si dëshmi të besuseshme deklaratat e vajzës, transmeton albinfo.ch. Kjo pasi ajo mbante maskë gjatë marrjes në pyetje për shkak të Koronës dhe ai nuk i kishte parë fytyrën dhe shprehjet e fytyrës. Kështu ai nuk mund të gjykonte nëse deklaratat e vajzës janë të besueshme ose jo.

Por Gjykata Federale ka ndjekur qëndrimin e Gjykatës Kantonale, sipas së cilës shprehjet e fytyrës dhe gjestet e vajzës ishin të dukshme, pavarësisht maskës. Për të mbrojtur fëmijët që dyshohet se janë viktima të dhunës seksuale, madje do të ishte e lejueshme tmbrojtja e tillë nga personi i akuzuar, thotë Gjykata Supreme Federale. Kjo nuk do të cenonte të drejtën e të akuzuarit për ballafaqim.

Gjykata Federale nuk gjen veprim arbitrar të gjykatave më të ulëta

Gjykata e Lartë (kantonale) ka vlerësuar saktë deklaratat e viktimës dhe të akuzuarit, sipas pikëpamjes së Gjykatës Supreme Federale. Prandaj, vlerësohet se 12-vjeçarja ka përshkruar në detaje veprimet e ndihmës trajnerit pa i dramatizuar ato, përcjell albinfo.ch. Deklaratat e të akuzuarit, nga ana tjetër, janë “tërësisht të pabesueshme”.

Gjykata e Lartë e Cyrihut nuk i ka vlerësuar provat në mënyrë arbitrare. Dhe nuk ka shkelur parimin “Në rast dyshimi, për të akuzuarin”, siç ka pretenduar avokati i të pandehurit.

Kështu është konfirmuar akuza për akte seksuale me një fëmijë.

Meqenëse ky është një akt që bën pjesë në  të ashtuquajturin “katalog” (që cakton veprat penale për të cilat shqiptohet dëbim nga vendi), bashkë me dënimin duhet të urdhërohet edhe dëbimi i të dënuarit nga vendi. As kundër kësaj pike nuk ka pasur sukses ndihmëstrajneri me ankesën e tij në Gjykatën e Lartë Federale.

 

---