Gjykata Federale i jep të drejtë çiftit kosovar

Gjykata Federale e Zvicrës ka miratuar ankesën e një çifti kosovar, të cilit asambleja komunale e Uttwilit ia kishte hedhur poshtë kërkesën për natyralizim në vitin 2013. Për pasojë, Gykata Administrative e Kantonit Thurgau duhet ta rigjykojë rastin.

Në vendimin e shpallur të martën, /Urteil 1D_1/2015 vom 01.07.2015Gjykata Fed) erale shkruan se Gjykata e përmendur administrative ka bërë shkelje të qëndrimit për ndalimin e refuzimit formal për shfrytëzimin e një të drejte. ajo (Gjykata Administrative) nuk e ka shqyrtuar fare ankesën e çiftit lidhur me ndalimin e arbitraritetit dhe shkeljen e barazisë së të drejtave.

Asambleja e Uttwilit e kishte refuzuar kërkesën e çiftit për natyralizim me arsyetimin se kanë njohuri të mangët të gjuhës dhe nuk janë të integruar sa duhet. Por në fakt, siç ka konstatuar shkalla më e lartë e gjyqësisë, atyre në provimin për natyralizim u është dhënë për ta përpiluar një tekst të ndërlikuar. Diçka e tillë nuk guxon të kërkohet si kusht për t`i dhëne dikujt pasaportën zvicerane, thotë gjykata. Mjafton që kandidati për shtetësi zvicerane të ketë mundësi të merret vesh në gjuhën e vendit dhe të kuptojë përmbajtjet elementare me shkrim.