Lajme
Gjermania shpalli 40 mijë vende të lira pune, ja sektorët ku kërkohen punëtorët

Industria bankare gjermane shpalli gati 40.000 vende të lira pune në tremujorin e parë të këtij viti. Kjo jo vetëm që është më shumë se në të njëjtën periudhë të vitit të kaluar, por paraqet edhe një reagim ndaj gjithë ekonomisë, në të cilën numri i vendeve të hapura të punës është ulur. Mungesa e punëtorëve të kualifikuar ka një ndikim të madh në sektorin financiar.
Numri i pozicioneve të shpallura publikisht nga bankat, institucionet e kreditit dhe bankat e kursimeve në Gjermani ishte 39.846 në tremujorin e parë të 2024-ës, një rritje prej 4 % krahasuar me të njëjtën periudhë të vitit të kaluar, transmeton scan, përcjell albinfo.ch.
Në ekonomi në tërësi, megjithatë, numri i vendeve të punës të shpallura publikisht është ulur për 9 %, sipas të dhënave më të fundit. Për sa u përket ofertave të punës, Frankfurt justifikoi reputacionin e tij si kryeqyteti financiar gjerman. Në tremujorin e parë të këtij viti kishte më shumë se 4.200 vende pune të shpallura publikisht në kryeqytet, pasuar nga Berlini dhe Mynihu me rreth 2.700 dhe 2.500 oferta në sektorin financiar.
Përveç Duseldorfit, Hamburgut dhe Shtutgartit, të dhënat tregojnë tri qytete të tjera, ku më shumë se 1000 vende pune në industrinë bankare u shpallën të lira midis janarit dhe marsit.
Siç pritej, më së shumti vende të lira pune në industri në gjithë Gjermaninë ishin në financa dhe kontabilitet, me rreth 16.600 vende pune. Shitjet dhe shpërndarja janë në vendin e dytë me rreth 7400 vende pune. Dhe në vend të tretë është fusha e organizimit dhe menaxhimit të projekteve me rreth 4300 vende pune.
E-Diaspora
-
Me helikopterë privatë nga Zvicra në Shqipëri dhe Kosovë Pas muajsh përgatitje, filloi aventura unike me tre helikopterë privatë, me synim të veçantë: të prekin...
-
AES fuqizon rolin e diasporës në teknologji dhe siguri
-
Gati 1 milion pasagjerë vetëm në muajin qershor, në Aeroportin e Tiranës
-
VLEN: Deklarata e Ali Ahmetit për regjistrimin është skandal, mërgata meriton përgjigje
-
Gjermani: Mërgimtari keqtrajton 17 vjeçaren nga Kosova
Jeta në Austri
-
Austria pritet të përballet me një valë të nxehti Pasi pjesa më e madhe e Evropës ka qenë në vapë të madhe, Austria është gati...
-
Austri: Prej 1 korrikut, kosto më të larta për këto shërbime
-
Austria do dyfishojë fondet për shëndetin mendor në shkolla pas tragjedisë në Graz
-
Rritje e interesimit për studimet mjekësore në Austri
-
Zjarr i madh në impiantin e riciklimit në Tirolin Lindor