Gjermania do t’u dhurojë tanke ukrainasve

Foto ilustrim @pixabay

Ministrja gjermane e Mbrojtjes, Christine Lambrecht, ka vendosur t’u dorëzojë forcave ukrainase 16 tanke të tjera në luftën kundër Rusisë.

Ajo deklaroi se tanket Biber do t’u mundësojnë kalimin më të lehtë të ujërave dhe pengesave të tjera.

“BIBER do t’u mundësojë trupave ukrainase të kalojnë ujërat ose pengesat në luftime”, tha ministrja, raporton france24, përcjell albinfo.ch.

“Dorëzimi i gjashtë sistemeve të para do të bëhet këtë vit, duke filluar nga vjeshta. Dhjetë sisteme të tjera do të pasojnë vitin e ardhshëm”, pohoi ajo.

Theksojmë se krerët e shtetit gjerman janë kritikuar më së shumti se nuk po e ndihmojnë luftën e ukrainasve në mbrojtje të territoreve të tyre.

Ndryshe, Rusia ka nisur pushtimin e shtetit ukrainas më 24 shkurt, duke shkaktuar viktima të shumta dhe dëme të mëdha në infrastrukturë.