Gjermania do të shkurtojë fondet për refugjatët

Buxheti final i vitit 2020 pritet të finalizohet në qershor, ndërsa Scholz planifikon të rrisë shpenzimet vjetore të vendit me 1.7 për qind në 362.6 miliardë dollarë

Ministri i Financave i Gjermanisë, Olaf Scholz është përballur me kritika masive nga autoritetet lokale të Gjermanisë, pasi planet e tij të buxhetit federal tregojnë se ai dëshiron të zvogëlojë mjetet për integrimin e refugjatëve dhe azilkërkuesve, përcjell albinfo.ch.

Por në një konferencë shtypi të mërkurën, Scholz këmbënguli që planet e tij përshtaten me buxhetet e miratuara tashmë me qeveritë lokale. “Ne kemi bërë mbi 4 miliardë dollarë këtë vit”, tha Scholz, duke paraqitur pikat kryesore të buxhetit të tij për vitin 2020 dhe planet e tij deri në vitin 2023, shkruajnë mediat ndërkombëtare.

Buxheti final i vitit 2020 pritet të finalizohet në qershor, ndërsa Scholz planifikon të rrisë shpenzimet vjetore të vendit me 1.7 për qind në 362.6 miliardë dollarë.

Disa rregullore të buxhetit të qeverisë federale për refugjatët do të përfundojnë në fund të vitit 2019 (megjithatë, siç theksoi Scholz, këto vendime tashmë ishin një zgjatje e asaj që u ofrua në 2018).

Në lidhje me këtë kishte shumë kundërshtime dhe reagime, megjithatë, duket se buxheti për refugjatët dhe azilkërkuesit do të reduktohet për vitin e ardhshëm.

---