Lajme
Gjermani: Ligjet e reja të mbikëqyrjes ngrenë shqetësime mbi privatësinë
Ligji i ri federal i policisë lejon përgjimin e komunikimeve të “personave kundër të cilëve ende nuk është krijuar asnjë dyshim për një krim dhe për këtë arsye nuk mund të urdhërohet asnjë masë e procedurës penale”

Parlamenti gjerman ndryshoi dy ligje më 10 qershor, duke u dhënë kompetenca të zgjeruara mbikëqyrjeje policisë federale dhe shërbimeve të inteligjencës.
Ato lejojnë përdorimin e spyware për të sulmuar telefona dhe kompjuterë, duke anashkaluar kriptimin e përdorur nga aplikacionet e mesazheve si WhatsApp dhe Signal.
Kjo ka ngritur shqetësime në Gjermani lidhur me të drejtën e privatësisë.
Ligji i ri federal i policisë lejon përgjimin e komunikimeve të “personave kundër të cilëve ende nuk është krijuar asnjë dyshim për një krim dhe për këtë arsye nuk mund të urdhërohet asnjë masë e procedurës penale”.
Human Rights Watch (HRW) së bashku me Kombet e Bashkuara kanë reaguar, duke theksuar rëndësinë e kriptimit dhe anonimitetit për mbrojtjen e të dhënave dhe të drejtën për privatësi.
“Kjo nuk arrin të sigurojë mbrojtjen e nevojshme nga ndërhyrja e pajustifikuar dhe arbitrare në privatësinë e njerëzve, e kërkuar sipas ligjit ndërkombëtar”, shkruan HRW-ja.
Ndërkaq, qeveria gjermane argumenton se legjislacioni i ri është i nevojshëm për të ndjekur zhvillimet teknologjike. Ajo pretendon se kompetencat e reja do të ndihmojnë policinë federale të ndalojë trafikimin e qenieve njerëzore dhe migracionin pa dokumente.
Por ndërsa disa degë të forcës policore dhe inteligjencës gjermane po përballen me akuza për infiltrim nga ekstremistët e krahut të djathtë, shqetësimet e privatësisë janë gjithnjë e më të ndjeshme.
Që nga viti 2018 përmbajtja e disa grupeve raciste midis oficerëve është bërë publike. Kjo bëri që shteti i Hesse-s të shpërbëjë një nga njësitë speciale më elitare të tij.
Nga 2018 e tutje, adresat private të figurave publike që flasin kundër racizmit ishin marrë nga kompjuterët e policisë në Hesse duke rezultuar në kërcënime të drejtpërdrejta nga grupet e krahut të djathtë.
Në vitin 2008, Gjykata Kushtetuese Gjermane goditi përdorimin e spyware duke përcaktuar “të drejtën për të siguruar konfidencialitetin dhe integritetin e sistemeve të teknologjisë së informacionit”.
Por masat e reja të qeverisë shtyjnë kufijtë e mbikëqyrjes. Një ligj i vitit 2017 që rrit fuqinë mbikëqyrëse të një agjencie tjetër inteligjence është aktualisht në shqyrtim nga Gjykata Kushtetuese.
Human Rights Watch shkruan se “duke abuzuar me dobësitë e sigurisë në pajisjet për të vendosur spyware, qeveria e Gjermanisë e bën komunikimin digjital më pak të sigurt – dhe më të prekshëm ndaj sulmeve”.
E-Diaspora
-
Ulen dënimet e kosovarëve të akuzuar për skllavërim të grave: Mungojnë faktet Gjykata e Lartë e ka rrëzuar ankesën e ish bashkëshorteve. Kryetari i trupit gjykues thotë se...
-
Konflikt mes shqiptarëve në Itali, vritet me thikë 35-vjeçari
-
Autoshkollë e re në Winterthur, flasin edhe shqip!
-
Kënga “Mora fjalë’ jehon në sheshin e Mynhen-it
-
Shqiptari nga Maqedonia, delegat i ri në UEFA
Jeta në Austri
-
Hetimi për aksidentin ajror në Graz në 2024 i kalon Zvicrës Autoritetet zvicerane kanë marrë zyrtarisht përsipër hetimin për aksidentin e fluturimit të kompanisë Swiss në Graz,...
-
Austri: Nxënësi 15-vjeçar pranon se ka dërguar kërcënime për bomba në tre shkolla
-
Pas Zvicrës edhe Austria i reagon Gjermanisë për kontrollet kufitare
-
Austri: Përfitimet e familjes dhe të fëmijëve të ngrira deri në vitin 2027
-
10 mitet e çiklizmit që nuk duhet t’i besoni në Austri