Gjermani: 4 milionë të infektuar me Covid-19

(AP Photo/Michael Probst)

Agjencia gjermane e kontrollit të sëmundjeve njoftoi sot se më shumë se katër milionë njerëz janë infektuar me koronavirus në vend që nga fillimi i epidemisë.

Instituti Robert Koch njoftoi sot se gjithsej 4.005.641 persona ishin infektuar dhe se 92.346 njerëz vdiqën nga COVID-19 në Gjermani.

Zyrtarët kryesorë shëndetësorë po u bëjnë thirrje qytetarëve që të vaksinohen në numër të madh.

Më shumë se 61 për qind e popullsisë gjermane, ose 50.9 milionë, janë plotësisht të vaksinuar, por kjo është më pak se në vendet e tjera evropiane. Shkalla ditore e vaksinimit ka rënë për javë të tëra.

Agjencia gjermane e kontrollit të sëmundjeve raportoi 10.835 raste të reja të COVID-19 dje, një rritje nga 10.303 një javë më parë.