Gjermanët, nuk duan emigrantë shqiptarë

Krahina e Hessenit në Gjermani, qendër bankare dhe e fuqive financiare, është deklaruar kundër azilkërkuesve nga Kosova e Shqipëria

Rreth 60 mijë shqiptarë nga Koova e Shqipëria kanë kërkuar azil në Gjermani gjatë këtij viti. Mirëpo përveç landit të Bavarisë është edhe një krahinë tjetër gjermane që është deklaruar kundër emigrantëve shqiptarë. Bëhet fjalë për Hessenin, qendër bankare dhe e fuqive financiare, që është deklaruar kundër azilkërkuesve.

Nga kjo krahinë kërkohet që procedurat për këta emigrantë të përshpejtohen dhe njerëzit sa më shpejt të kthehen në shtëpitë e tyre.

Këtë nëpërmes një deklarate e ka kërkuar ministri i Çështjeve Sociale të Hessenit, Stefan Gritner nga radhët e Unionit Kristian Demokrat të kancelares, Angela Merkel, e cila u gjend në kritikat e opozitës në këtë krahinë kryesisht nga radhët e liberalëve njoftojnë mediat gjermane.

Gritner theksoi se një numër i madh i azilkërkuesve nga Kosova dhe Shqipëria kanë rënduar situatën dhe se Hesen për shkak të pozicionit të tij gjeografik ka marrë një numër të madh të azilkërkuesve, citon KP.

Ndryshe, Gjermani gjithë viteve të fundit ka qenë vendi më i preferuar për azilkërkuesit nga Kosova e Shqipëria. Nga janari deri në prill, rreth 60 mijë emigrantë nga këto dy shtet kanë kërkuar azil në Gjermani.