Gjeneva në listën e New York Times mes 52 destinacioneve për t’u vizituar në 2024 

@pixabay

Në fillim të çdo viti, New York Times zbulon listën e destinacioneve që nuk duhen humbur.

E përditshmja amerikane rekomandon vizitën e Gjenevës në vendin e 10-të në listën me 52.

Sipas New York Times, atraksionet kryesore të Gjenevës janë Portali Shkencës CERN, i hapur që nga tetori dhe i projektuar nga arkitekti Renzo Piano, dhe… çokollata, përcjell albinfo.ch.

E përditshmja citon edhe Breitling Kitchen, restorantin e markës me të njëjtin emër, menuja e të cilit është firmosur nga Juan Arbelaez i Top chef.

Ndër destinacionet e tjera të sugjeruara, gjejmë Parisin, i theksuar për shkak të Lojërave Olimpike, Zelandën e Re për t’u zbuluar me tren, Amerikën e Veriut në prill për eklipsin total të paralajmëruar të diellit dhe së fundi Mançesterin, ku një nga sallat më të mëdha të koncerteve në bota është gati të hapë dyert e saj.