Gjeneva dhe Lozana punësojnë gjithnjë e më shumë kufitarë

Nga 10.000 të licencuar me leje qëndrimi "G" të regjistruar në Zvicër për një vit, 57% prej tyre punojnë në rajonin e Liqenit të Gjenevës. Rekrutimet janë të përqendruara në sektorin e shërbimeve, ndërsa industria e orës ka larguar nga puna 445 punëtorë që jetojnë jashtë kufirit zviceran.

Perspektiva e futjes së kuotave, pas referendumit të 9 shkurtit 2014 mbi emigracionin masiv, mbetet pothuajse pa asnjë efekt në kufi. Duke pritur për të parë formën e kornizës së re, e cila rregullon rekrutimin e punëtorëve të huaj, ekonomia zvicerane vazhdon të punësojë kufitarë.
Në një vit, që nga mesi i fund të qershorit 2015 gjerë  në fund të qershorit 2016, pothuajse 10.000 kufitarë të rinj janë regjistruar, një rritje kjo prej 3%. Kjo shifër, megjithatë, është pak më e ulët se sa në vitet e mëparshme. Ky fenomen shpjegohet kryesisht për shkak të vështirësive me të cilat përballen kompanitë industriale, të cilat kanë tendencë për të reduktuar fuqinë punëtore të tyre se sa ta rrisin.

Sipas të dhënave zyrtare, tani janë  308.000 veta  “të huaj në posedim të një leje qëndrimi «G» dhe që punojnë në Zvicër”. Në studimin e tij të publikuar të martën, OFS gjithashtu tregon se kjo rritje lidhet ekskluzivisht me sektorin e shërbimeve. Ofruesit e shërbimeve tani punësojnë më shumë se 200.000 kufitarë, kundrejt 106.000 për sektorin sekondar dhe 1.800 për sektorin primar.

Pothuajse dy të tretat e 10.000 të sapoardhurve janë të punësuar në kantonet e Gjenevës (4300) dhe Vaud-it (1400). Në Cyrih rritja është e mbuluar me 700 persona, ndërsa dy kantonet e rajonit të Bazelit kanë identifikuar rreth 2.000 kufitarë, pra më shumë se në mes të vitit 2015.