Kosovë: Gjendet 15-vjeçarja nga Austria

Është gjendur 15-vjeçarja e zhdukur në Prishtinë, e cila kishte shkuar atje për pushime dhe festat e fundvitit.

Familja Zagori që jeton në Austri ka konfirmuar për mediat kosovare se vajza e tyre u gjet në njërën prej rrugëve të Fushë-Kosovës, pa u dhënë asnjë sqarim për motivin e kësaj zhdukjeje.

“E kemi gjetur qikën. Tash është duke u marrë në pyetje nga Policia e Kosovës. Motra e vet e ka gjet, e ka pa një kerr të dyshimtë dhe ata personat kanë ikë…”, thonë familjarët.

Ndryshe, vajza e kësaj familjeje, 15-vjeçarja Erisa, është zhdukur dy net më parë. Familjarët kanë njoftuar Policinë e Kosovës për zhdukjen e vajzës së tyre, përcjell albinfo.ch.