Gjenden dy të vdekur në një shtëpi

Tash për tash mungojnë dëshmi për praninë ose ndërhyrjen e ndonjë personi të tretë në këtë rast vdekjeje të dyfishtë

(KEYSTONE/Peter Schneider)

Në një shtëpi në Trimbach, Solothurn, pasditen e të mërkurës janë gjetur dy persona të vdekur. Sipas njohurive të para të policisë, bëhet fjalë për një delikt në familje. Aktualisht janë duke u zhvilluar hetimet për identitetin e të ndjerëve, për shkakun dhe rrethanat e vdekjes së tyre, shkruan sda.ch.

Tash për tash mungojnë dëshmi për praninë ose ndërhyrjen e ndonjë personi të tretë në këtë rast vdekjeje të dyfishtë, transmeton albinfo.ch. Dy të vdekurit, ende të paidentifikuar zyrtarisht, janë dërguar për obduksion në një institut të mjekësisë ligjore.

Në vendin e ngjarjes, përveç prokurorisë dhe disa shërbimeve speciale të Policisë Kantonale kanë qëndruar edhe zyrtarë të Institutit të Mjekësisë Ligjore dhe një ekip kujdestar.