Gëzim dhe hidhërim për Xhakën

Ai ka thënë se edhe para ndeshës e dinin se kundërshtari ishte tejet i vështirë dhe shton se marrja e një pike në këtë ndeshje nuk është keq

Mesfushori i Arsenalit, Granit Xhaka në barazimin e parë të ekipit këtë sezon në Premierligë ka pasur momente të gëzimit dhe hidhërimit pasi shënoi gol dhe shkaktoi një penallti.

“Nuk mund të jemi të lumtur nëse ne jemi 2-1 pasi erdhëm nga një rezultat 1-0 dhe pastaj nuk fitojmë. Ishte e mirë pjesa e dytë për ne dhe pastaj ishim të pafat me penalltinë. Mendoj se kemi humbur dy pikë të rëndësishme”, ka thënë Xhaka për ueb faqen e klubit, përcjell albinfo.ch.

Kur është pyetur për faullin që shkaktoi penallti, Xhaka ka thënë se është e vështir të flas për atë rast. “Por, unë mendoj se është një dënim sepse e kam prekur gjurin e tij, kështu që gjyqtari dha një penallti”, ka shtuar ai.

Xhaka ka treguar se pas përfundimit të pjesës së parë trajneri i ka thënë atij se ai duhet të gjuajë gjuajtjet e lira dhe pikërisht pas ekzekutimit të një gjuajtje të lirë ai shënoi një super gol.

“Unë mendoj se ishte goditja e parë e lirë e pjesës së dytë, kështu që unë e mora atë. Isha i lumtur që mund të shënoj, por nuk mund të jemi aq të lumtur pas lojës”, tha Xhaka.

Ai ka thënë se edhe para ndeshës e dinin se kundërshtari ishte tejet i vështirë dhe shton se marrja e një pike në këtë ndeshje nuk është keq. Xhaka ka thënë se duhet të mësojnë nga gabimet dhe të mos ndalen, por të mendojnë për ndeshjet e ardhshme. Ky ishte goli i dytë i Xhakës për Arsenalin këtë sezon.

https://www.youtube.com/watch?v=MC0RXAYxB3E

---