Gazeta gjermane: Bienalja “Autostrada” në Prizren krijon lidhje me Evropën

Në fundjavën e hapjes, në fillim të korrikut, të ftuar dhe artistë ndërkombëtarë kanë festuar hapjen e Bienales "Autostrada", në Prizren

Me Bienalen “Autostrada”, qyteti i Prizrenit po bëhet një “pikë e nxehtë” arti në Evropën Juglindore. Këtë herë, ajo është kuruar nga një njeri që e njeh shumë mirë rajonin, transmeton albinfo.ch. Ai përgatit surpriza.

Tinguj hip-hopi jehojnë nga njëri prej hangarëve. Artisti Hassan Khan ka programuar një algoritëm që rimbledh meloditë dhe tekstet e repit në një rrjedhë të pafundme. Në asfaltin përpara ndërtesës ndodhen dhjetëra vaska plastike të bardha në të cilat mbijnë barishte të vogla. Natyra që duhet të mbajë veten në jetë, kjo ishte ideja e artistitLois Weinberger, i cila ka vdekur në vitin 2020, shkruan Tages Spiegel.de.

Në temperaturat deri në 36 gradë Celsius pa hije, kjo është një sfidë edhe për bimët më rezistente.
Në Prizren, qyteti i dytë më i madh i Kosovës, një ish-bazë ushtarake, që shërbente si shtëpi e forcës ndërkombëtare paqeruajtëse KFOR deri rreth vitit 2019, është transformuar në një hapësirë arti.

Në fundjavën e hapjes, në fillim të korrikut, të ftuar dhe artistë ndërkombëtarë ishin dyndur në këtë peizazh të rrethuar dhe të mbuluar (nën kulm) ku kanë festuar hapjen e Bienales “Autostrada”.

Ky projekt bazë është lancuar në vitin 2014 nga punonjësit vendas të kulturës. Qëllimi ishte kryesisht të ofronte një perspektivë për të rinjtë në një vend të traumatizuar nga Lufta e Kosovës dhe pasojat e saj, përcjell albinfo.ch. Arti ka një efekt demilitarizues, duke ofruar një gjuhë që mund të ndërmjetësojë midis pikëpamjeve të ndryshme, thonë organizatorët, Leutrim Fishekqiu, Vatra Abrashi dhe Barış Karamuço.

Në vitet e fundit, bienalja ka evoluar nga një festival i përkohshëm në një institucion të përhershëm. Hangari i Autostradës është përdorur përgjithmonë si kafene, bibliotekë dhe vend takimi për krijuesit e rinj, që nga viti 2021. Këtë vit, u shtuan dy salla të tjera, si dhe një amfiteatër i hapur, i cili shërben edhe si vend për festa në mbrëmje.

Bienalja “Autostrada” është hapur më 5 korrik dhe vazhdon të presë artdashësit deri më 5 tetor.

---