Gati 4 vjet burgim dhe dëbim nga Zvicra për 7 vjet të riut nga Kosova që shkaktoi aksident të rëndë

Gjykata Federale e Cyrihut ka caktuar gati 4 vjet burg dhe dëbim nga Zvicra për shtatë vjet, për të riun nga Kosova, i cili kishte shkaktuar aksident të rëndë në vitin 2019.

Bëhet e ditur se ai ishte i specializuar dhe punonte si mekanik teksa e kishte huazuar një veturë BMW, me 600 kuajfuqi të cilit ia kishte ndërruar edhe performancat pa ndonjë autorizim paraprak raporton 24heuers.ch, transmeton albinfo.ch.

Ai në zonën 60 km/h kishte lëvizur me shpejtësi prej 74 kilometrash në orë ndërsa si pasojë e aksidentit, kishte pësuar lëndime të rënda trupore një vajzë 4 vjeçare, e cila ishte në rrezik për jetën.

Ndër të tjera, ai duhet të paguajë kompensimin për dëmet morale dhe materiale.