“Garda Zvicerane” e Papës jep betimin

Historia e Gardës Zvicerane në shërbim të mbrojtjes së Papës është më e gjatë se 500 vjet. Ajo ka gjithsej rreth 100 pjesëtarë

32 pjesëtarët e rinj të Gardës Zvicerane, njësit ky që tradicionalisht përbën mbrojtjen e Papës së Romës kanë dhëne të mërkurën betimin. Komandanti i tyre, Christoph Graf, ka mbajtur me këtë rast një fjalë zyrtare, ku, veç tjerash është marrë edhe me kërcënimet e fundamentalistëve kundrejt Vatikanit.

Në ceremoninë e betimit ka qenë i pranishëm edhe ministri i brendshëm i Zvicrës, Alain Berset si dhe qeveria komplete e Kantonit të Valisit. Para kësaj, ministri Berset është pritur në një audiencë gjenerale nga Papa Françesku personalisht, bën të ditur srf.ch.

Historia e Gardës Zvicerane në shërbim të mbrojtjes së Papës është më e gjatë se 500 vjet. Ndërsa me diçka më shumë se 100 ushtarët e vet, kjo gardë është ushtria zyrtare më e vogël në botë.