Fushata konservatore gjermane për Presidencën e Komisionit Evropian

Manfred Weber shpreson të zëvendësojë Jean Claude Juncker dhe të bëhet presidenti i ardhshëm i Komisionit Evropian.

Dhe, një pjesë e thirrjes së fushatës së tij është të mbrojë Europën nga nacionalistët dhe ekstremistët e djathtë në zgjedhjet e këtij muaji në BE.

“Unë dua të bëhem President i Komisionit Europian me një qëllim të qartë, pikërisht për ta mbrojtur këtë Europë nga nacionalistët dhe për ta udhëhequr atë në një të ardhme të guximshme dhe të mirë”, tha ai të shtunën në një turmë mbështetësish në Vienë, shkruan Euronews, përcjell Albinfo.ch.

Weber gjithashtu thotë se dëshiron të shkurtojë pjesën më të madhe të burokracisë brenda BE-së që po i jep një emër të keq votuesve dhe këmbëngul që blloku duhet të bëjë shumë më tepër mbi ndryshimet klimatike.