Dy të vdekur nga fruthi në Zvicër

Në Zvicër janë raportuar dy vdekje për shkak të fruthit këtë vit, thotë Zyra Federale e Shëndetit Publik dhe numri i rasteve të raportuara është në rritje, përcjell albinfo.ch.

Vdekja e parë ishte e një burri 30-vjeçar, i cili ishte i infektuar nga të afërmit. Ai mori vaksinën 67 orë pas ekspozimit, por ishte tepër vonë. Ai erdhi me infeksion dhe vdiq në shtëpi, menjëherë pas shfaqjes së simptomave të para, tha zyra e shëndetësisë të enjten. 

Shkaku i saktë i vdekjes është duke u hetuar.

Vdekja e dytë ishte e një 70-vjeçari, i cili kishte një sistem imunitar të dobët për shkak të kancerit. Ai vdiq pak ditë pas infektimit për shkak të pneumonisë të shkaktuar nga fruthi. Ende nuk dihet se si e mori sëmundjen, përcjell albinfo.ch.

Pas raportimeve, zyrtarët e shëndetit publik përsëri theksuan rëndësinë e vaksinimit kundër fruthit, përcjell albinfo.ch.

Ata theksuan efektivitetin e vaksinës jo vetëm në mbrojtjen e individëve, por në ndalimin e përhapjes së infeksionit tek ata që nuk mund të vaksinohen, siç janë foshnjat, gratë shtatzëna dhe njerëzit me sistem imun të dobët.