Shkurt.ch

Frangu i fortë: 3400 punëtorë me orar të shkurtuar

E hënë, 11 Maj 2015 - 18:05 albinfo.ch

3593 të punësuar janë prekur nga puna me orar të shkurtër.

Këto shifra janë bërë publike në fund të shkurtit. Sipas të dhënave të fundit nga Sekretariati i shtetit për çështjet ekonomike (SECO), numri i tyre u rrit brenda një muaji për 62 për qind.

Numri i tyre u rrit deri në fund të shkurtit nga 134 deri 400

Kjo rritje prej mbi 60 për qind duket shumë e madhe, thotë Boris Zürcher.

Ai është udhëheqës në Sekretariatin Shtetëror për Çështje Ekonomike (SECO).

Por niveli ishte dukshëm më i ulët se në vitet 2012 dhe 2013. Në atë kohë, numri i të punësuarve në fjalë, me orar të shkurtër ishte mbi 4000.

SECO ka publikuar edhe shifrat e papunësisë. Në fund të muajit në qendrat rajonale të punësimit ishin raportuar 141’131 papunë, 3977 më pak se në muajin e kaluar.

Shkalla e papunësisë ka shënuar rënie nga 3.4 në 3.3 për qind për shkak te fillimit të sezonit.

Krahasuar me të njëjtën kohë, një vit më parë numri i të papunëve është rritur me gati 3 për qind, ose me rreth 4.000 njerëz.

Për vitin 2015, SECO parashikon një normë të papunësie prej rreth 3.4 për qind. Zvicra është në rrugën e duhur, thotë Zürcher në një intervistë me SRF.

“Ne nuk kemi asnjë arsye për të rishikuar parashikimin dhe se shifrat që tashmë janë publikuar janë në përputhje me pritjet “, tha ai