Francezët mbështesin “xhaketat e verdha”

EPA/YOAN VALAT

Rreth 72 për qind e francezëve mbështesin të ashtuquajturit “xhaketat e verdha” në bazë të rezultateve të fundit të anketës, dy ditë pas protestës së tretë në Paris dhe qytete të tjera franceze për shkak të rritjes së çmimeve të karburanteve, shkruan albinfo.ch.

Megjithatë, më shumë se 80 për qind e të anketuarve nuk janë dakord me dhunën, ndërsa 90 për qind besojnë se ekzekutivi nuk ka treguar se ishte në krye të detyrës”, kanë treguar rezultatet e një sondazhi nga instituti kërkimor “Harris Interactive”, i kryer nga radioja franceze dhe televizionit RTL M6.

Përqindja e mbështetësve francezë që protestuan është e ngjashme me shifrën e regjistruar në ditën e parë të protestave të 17 nëntorit, përfundoi RTL.

Pritet pezullimi i rritjes së taksës për karburante në Francë

Qeveria franceze pritet të pezullojë rritjen e taksës së karburanteve pas disa javëve me protesta të dhunshme.

Protestat janë mbajtur në qytetet kryesore franceze duke shkaktuar dëme të konsiderueshme gjatë tre fundjavave të kaluara. Kryeministri Edouard Philippe kërkoi kompromis me protestuesit, por ata bënë thirrje për bisedime dhe përmendën kërcënimet me vdekje nga ekstremistët në radhët e tyre, raporton BBC.

Tre persona kanë vdekur që nga fillimi i trazirave dhe dhunës, sidomos kur statuja u shkatërruan në Arc de Triomphe të shtunën e kaluar.

“Jelekët e verdhë” janë quajtur kështu për shkak se protestuesit kanë bartur jelekët e verdhë të ndezur që kërkohet të mbahen në çdo automjet në bazë të ligjit francez.

Lëvizja protestuese është rritur përmes mediave sociale dhe ka përkrahës në të gjithë spektrin politik.

Presidenti Emmanuel Macron u zgjodh dy vjet më parë me një mandat për reforma gjithëpërfshirëse, por popullariteti i tij ka rënë dukshëm në muajt e fundit.