Francë: Hyrja në restorante, vetëm për të vaksinuarit

Pavarësisht protestave, ligji do të hyjë në fuqi dhe do të zbatohet...

Franca po kërkon që njerëzit të tregojnë se janë plotësisht të vaksinuar para se të lejohen në bare, restorante, në shërbimet e udhëtimit ndërqytetas dhe shumë ngjarje kulturore.

Kalimi do të jetë i nevojshëm edhe për të pirë një pije në një tarracë, shkruajnë mediat zvicerane, përcjell albinfo.ch.

Ligji hyn në fuqi pavarësisht mijëra protestuesve në qytete kundër masës, duke e quajtur atë një shkelje të lirive civile. Por, sondazhet tregojnë se ligji i ri në fakt gëzon mbështetje të gjerë – me deri në 70% që thonë se e mbështesin këtë veprim.

Nëse ligji është krijuar për të bindur dembelët dhe ngurruesit për të marrë një vaksinë, atëherë ai po funksionon.

Që nga shpallja, miliona janë vaksinuar. Aktualisht 64% e personave mbi 12 vjeç janë plotësisht të vaksinuar dhe sistemi i rezervimit është i zënë.

Kodi i vaksinimit QR i lëshuar nga Zvicra është i vlefshëm në Francë dhe do të njihet nga skanerët.

---