Franca dënon sulmet ndaj Policisë së Kosovës, i quan të papranueshme

Franca përmes një deklarate ka dënuar ashpër sulmin e së dielës ndaj Policisë së Kosovës në veri, ku mbeti i vrarë një polic. Ajo e quajti akt të papranueshëm ndaj policisë së Kosovës, teksa shprehu ngushëllimet e saj për familjet e viktimave duke bërë thirrje që autorët të dalin sa më shpejt para drejtësisë.

“Rëndësia e këtyre ngjarjeve nënvizon nevojën urgjente që Serbia dhe Kosova të veprojnë me përgjegjësi për të ulur tensionet dhe për t’u riangazhuar me mirëbesim në Dialogun e lehtësuar nga BE-ja, i cili është e vetmja mënyrë për të pasur sukses në normalizimin e marrëdhënieve midis dy vendeve. dhe t’i lejojë ata të bëjnë përparim drejt BE-së”, thuhet në deklaratën e shtetit francez.