Firma zvicerane Ruag në mesin e 100 vendeve për prodhimin e armëve

Keystone

Ruag mbetet ndër prodhuesit më të lartë të armëve nga shitjet sipas Institutit Ndërkombëtar të Stokholmit për Kërkimin e Paqes (SIPRI).

Shifrat vjetore të SIPRI-t, që u publikuan të hënën, tregojnë se Ruag arriti të rënditej në  vendin e 95-të në vitin 2017. Ajo u ngjit një vend më lartë krahasuar me vitin e kaluar falë shitjeve  të armëve: 870 milionë dollarë (860 milionë franga) krahasuar me 820 milionë dollarë një vit më parë. Në përgjithësi, kompania shiti 1.98 miliardë dollarë, një rritje prej 5%, përcjell albinfo.ch

Firmat amerikane ishin përgjegjëse për shumicën e shitjeve globale të armëve (57%), pasuar nga Rusia (9.5%), Mbretëria e Bashkuar (9%) dhe Franca (5.3%). Kina nuk u përfshi në statistikat e SIPRI-së pasi nuk mund të merren të dhëna të besueshme.

Sipas SIPRI, firmat amerikane shiten me vlerë 226.6 miliardë dollarë, kryesisht falë kërkesës nga ushtria amerikane. Shitjet ruse të armëve ishin me vlerë 37.7 miliardë dollarë dhe shkuan drejt modernizimit të ushtrisë ruse. Turqia tregoi një nga rritjet më të mëdha të shitjeve për(24%) duke reflektuar synimin e vendit për të zhvilluar bazën e vet të prodhimit të armëve dhe për të zvogëluar mbështetjen e saj ndaj firmave të huaja.