Filmi “Në kërkim të Venerës” ftohet në “Works in Progress’

Filmi i gjatë artistik ‘Në kërkim të Venerës’, me skenar dhe regji të Norika Sefës dhe me producent Besnik Krapin, është ftuar të marrë pjesë në ‘Works in Progress’ në kuadër të Festivalit të Kalrovi Varit, transmeton albinfo.ch.

Filmi flet për përjetimin e Venerës, një vajzë e re dhe e ndrojtur, e cila fillon një rrugëtim të ri në jetën e saj pasi takon shoqen e saj të re, Dorinen.
Ky përjetim e bën atë të marrë guximin dhe t’i kundërvihet familjes së saj tradicionale.

“Në kërkim të Venerës” është subvencionuar nga Qendra Kinematografike e Kosovës dhe Qendra Kombëtare e Kinematografisë e Shqipërisë. Filmi po ashtu është mbështetur edhe nga Komuna e Kaçanikut.