Fillon Festivali i Filmit në Cyrih

Keystone

Ka filluar mbrëmë Festivali i Filmit i Cyrihut (ZVV). Në një atmosferë të ngrohtë, në praninë e shumë artistëve eminentë, në mesin e të cilëve edhe aktorë dhe regjisorë nga Hollivudi, ministri zviceran i kulturës, Alain Berset e ka shpallur të hapur festivalin. Ai në një fjalë rasti ka folur lidhur me rëndësinë që ka filmi në aktualitetin tonë. Njerëzit sot janë tërësisht të vërshuar nga përshtypjet dhe imazhet vizuale.

“Fuqisë dominuese që kanë pamjet, fotografitë, mund t`u përgjigjemi vetëm me fotografi më të sakta, më të avancuara. Sepse filmat nxisin empati sociale dhe politike, pa të cilën shoqëria do të binte në kaos të përgjithshëm”, ka thënë Berset veç tjerash në solemnitetin e hapjes në kinemanë Corso të Cyrihut.

Në festivalin i cili do të vazhdojë deri më 4 tetor do të shfaqen 160 filma nga 27 vende të botës.