FC Kosova e Gjenevës me shumë ndryshime

Pas dorëheqjes së kryetarit, nënkryetarit dhe shpërbërjes së komitetit, një mbledhje e përgjithshme urgjente u mbajt më 21 qershor, ku Halil Rrahmani u zgjodh kryetar dhe u krijua një komitet i ri

Njëra nga skuadrat më të suksesshme shqiptare në Zvicër padyshim se është Kosova e Gjenevës, shkruan albinfo.ch.

Megjithatë, në skuadrën shqiptare kanë ndodhur disa ndryshime. Fillimisht kryetari Selajdin Salihu kishte dhënë dorëheqje. “Pas ngjarjeve të mjerueshme që ndodhën gjatë finales në ndeshjen e ligës së 4-të të Geneva League mes FC Versoix dhe FC Kosova një pjesë të përgjegjësisë e ndjej mbi supet e mia. Ndaj, kam ardhur në përfundim se dorëheqja ime është zgjidhja më e mirë në këto rrethana. Qëllimi im nuk është t’ju shqetësoj me këtë njoftim, por shpresoj se ju do të pranoni keqardhjen time të sinqertë”, ishte shprehur Salihu.

Më pas dorëheqje ka dhënë edhe nënkryetari Qamil Sejdiu. “Pas 4 vite aktivitet rreth terreneve me sfida të rënda dhe të lehta si vullnetar si në gjithë klubet e Gjenevës. Falënderoj kolegët të kryesisë, lojtarët, trajnerët, sponsorët, dashamirët e futbollit kryesin et ACGF, Qendrën sportive në Evaux, stadiumin në Frontenex etj”, kishte thënë Sejdiu, përcjell albinfo.ch.

Pas dorëheqjes së kryetarit, nënkryetarit dhe shpërbërjes së komitetit, një mbledhje e përgjithshme urgjente u mbajt më 21 qershor, ku Halil Rrahmani u zgjodh kryetar dhe u krijua një komitet i ri, njofton klubi, përcjell albinfo.ch.

“Kryetari i ri, dëshiron t’ju ftojë në një mbledhje informative për të biseduar rreth çështjes aktuale te klubit, dhe t’ju informoj për drejtimet e reja sportive dhe strukturore të klubit për sezonet e ardhshme. Takimi do të zhvillohet të hënën, më 25 qershor 2018 në ora 20:00”, thuhet në njoftim.