Familja nga Shkupi bëhet me banesë, mërgimtari nga Gjermania dhuron 16 500 euro

Së fundi një familjes nga Shkupi, i është blerë një banesë e re, ku kanë kontribuar mërgimtarët, por edhe vendorët.

Shoqata humanitare “Jetimat e Ballkanit” vazhdon të ndihmojë familjet që kanë nevojë në këto ditë të ftohta, shkruan albinfo.ch.

Ndihmat po vazhdojnë në mbarë trojet shqiptare, Kosovë, Shqipëri, Mal të Zi dhe Maqedoni.

Së fundi një familjes nga Shkupi, i është blerë një banesë e re, ku kanë kontribuar mërgimtarët, por edhe vendorët.

“Gjejlane Sallahi nga Shkupi bashkë me dy fëmijët e saj u befasuan me banesë të re. Falënderojmë Urim Hoxhaj nga Prizreni, e me banim në Gjermani, i cili dhuroi 16.500 euro për këtë familje. Gjithashtu falënderojmë edhe të tjerët që kanë dhënë ndihma, që kjo familje të bëhet me banesë të re”, thuhet në njoftimin e kësaj shoqate.