Familja e policit të vrarë: Të vdesësh për atdhe, është sikur të rilindësh përsëri

Mëngjesin e sotëm, si pasojë e një sulmi në veri të Kosovës, një polic është vrarë dhe një tjetër është plagosur.

Familjarët e policit të vrarë, përmes një postimi në rrjetin social “Facebook”, kanë shkruar se ai u vra derisa ndodhej në detyrë, në mbrojtje të integritetit territorial dhe sovranitetit të vendit, përcjell albinfo.ch.

“TË VDESËSH PËR ATDHE ËSHTË SIKUR TË RILINDËSH PËRSËRI.

Të nderuar miq,

Të dashur familjarë,

Sot, në orët e hershme të mëngjesit erdhi një lajm i kobshëm për familjen tonë Bunjaku nga Samadrexha e Vushtrrisë. Familjari ynë AFRIM BUNJAKU, toger në Policinë e Kosovës, është vrarë derisa ndodhej në detyrë, në veriun e Kosovës, në mbrojtje të integritetit territorial dhe sovranitetit të vendit, gjë të cilën e bëri me nder e krenari deri në frymën e fundit.

E pikëlluar familja Bunjaku nga Samadrexha e Vushtrrisë”, thuhet në njoftimin e familjes.